81. vaxtilə dünyanın ən gözəl şəhəri olan, indi isə kapitalist vəhşilərin yavaş-yavaş məhv elədiyi, tarixi arxitekturaya sahib şəhərə modern binaların soxuşdurulmağa çalışıldığı vətən torpağı.
açıram tarix kitablarını, istanbulun fəthi ni oxuyuram, əsl intibah adamı olan fateh mehmet istanbulu ələ keçirir, sevinirəm ki, artıq türklərin də fəxr edəcəyi sivilizasiya mərkəzi olacaq amma mehmet ölür və bu gözəlim şəhər cahil hakimlərin əlində pul mənbəyinə çevrilir. jane jacobs demişdi ki, əgər modernizmə və maşınlara təslim edərsək şəhərlərimiz ölər. haqlıymış bəy.
insanların cahilliyi, hər gün baş verən mitinqlər, partlayan bombalar, məhv edilən tarix və s. çox pis toxunur mənə. elə bu şəhərdəki cahilliyin ən böyük göstəricisi sözün əsl mənasında vəhşicəsinə artan əhali sayıdır. belə olmaz axı, bu şəhər bunlara layiq deyil. bu şəhər sizdən hörmət tələb edir. mədəniyyətə, tarixə, arxitekturaya hörmət tələb edir. yaxşı, anlayıram, edə bilmirsiz amma ən azı fatehin ruhuna hörmət edin. o, bu şəhəri ələ keçirdi ki, osmanlı da intibah yaşasın, ələ keçirmədi ki, sizlər bu şəhəri kapitalizmin oyuncağına çevirib məhv edin. eləməyin belə.
celal şengör demişdi ki, köhnə istanbul yoxdur artıq. haqlıdı, artıq başqa yerdi bura, istanbul deyil.